El mi nietu ye millennial
El mi nietu ye millennial
26/04/2017
SuperMAMI (1)
Sumpermami
10/05/2017
Show all
¡Viva la EPA!

¡Viva la EPA!1 de mayo, el día del temporal.

-¡Venga, Lolo, otru tragu!

-¿Y por qué brindamos?

-¡Coime, por los datos del paro! ¡Viva la EPA ho!

-¿Entós? ¿Qué pasó?

-Asturies recupera empleo, chaval.

-Ya, bueno, ¿pero qué trabayu?, ¿de qué calidá?

-¡No me jodas, eh! Si nos ponemos tiquismiquis…

-Ya, pero…

-¡Tamos triunfando, Lolo!

-Sí, como la mayoría, ¡a tiempu parcial!

-¿Y qué más da? El casu ye trabayar.

-Oye, pero…

-Yo el otru día ya y-os lo dije bien claro: ¿Creeis que voi soportar esti trabayu infame por un sueldu miserable y con un horariu esclavu? ¡Pues tenéis razón!

-Así, se habla, con dos cojones, sí señor.

-Ye lo que hai, Lolín.

-Ya, ya.

-O trabayes onde sea, por lo que sea y en les condiciones que sea… O no trabayes.

-¡Ahí, ahí, les coses como son!

-Y la EPA va seguir yendo bien, por decreto ley.

-¡Venga, otru tragu! ¡A brindar!

-Lo de la creación d’empleo funciona, ye la verdá.

-Dímelo a mí. En seis meses llevo doce curros.

-¿Cómo ye, ho?

-Fice contratos hasta de quince minutos.

-¡Mui guapo!

-Entre que te sientes, trabayes y firmes el finiquito…

-Ye lo que hai.

-¡Y va el mi fíu y quéjase porque trabaya sin cobrar!

-Home, no me fastidies, si nos ponemos tiquismiquis…

-Ya, ya.

-Estos chavales, si los dejes, son capaces d’exigir derechos laborales.

-La juventú, ya sabes…

-¡Viva la EPA, cagonrós!

-Y cuando acabes aquí, ¿interésate de jardinero?

-Sí, ho. Toi cojonudu pa dejar dinero yo.

-Oye, hai qu’agarrase a lo que salga.

-Selo yo. ¡Y sin protestar!

-Precarios somos, pero pa un vasu agua tenemos.

-¿Dará mala suerte brindar con agua?

-¡Qué va, ho! Ye lo más sano.

-Eso, ¡y no comer!

-¡Ahí, ahí, hai qu’aguantar!

-Correcto, como manda la reforma laboral.

-El tema ye resistir. Si no, pásanos como al burro: ahora que lu teníemos acostumbrau a no comer, va y se muere.

-¡Aguantar, venga! ¡Viva la EPA, vamos a brindar!

-Sí, brindar y aguantar…

-El temporal.

Comentarios

comentarios