-¿Qué mires, Lolo?
-Calla, que traigo un peu...
-¿Entós?
-Veo muyeres hasta dentro del semáforo.
-Normal.
-¿Ye una muyer, ho?
-Sí, ¿nun te fijaste que reñí antes con ella?
-¿Por...?
-¡Pa ponela verde!
-¿Qué ye, que nun se pon sola?
-Sí, pero como yo en casa ya toy acostumbráu...
-¡Vaya machista que yes!
-Bah.
-¡Qué falta nos facíen estos semáforos igualitarios!
-¿Por...?
-Pa educar a oveyas como tú.
-No se yo, p'aquí pa El Coto, tanta modernidad...
-Preguntailo a la tu muyer, verás.
-Ya y-lo pregunté.
-¿Y qué diz?
-Que ye una pijada.
-¿El qué?
-Gastar dinero público en esos tinglaos.
-¿Nun se siente identificá, ho?
-Al revés. Diz que ye sexista.
-¿El qué?
-Pone-y una falda al muñecu pa indicar que ye muyer.
-Pero...
-Tanto como y-os costó pelear pa quitala...
-Ya, pero la igualdad...
-¡Que se igualen los sueldos y los trabayos!, ¿oíste?
-Bueno, pero mejor que el macho ibérico...
-¿Cuál?
-El que sal en tolos semáforos, ¡esi paisanón!
-¡Esi muñecu ye asexuáu, Lolo!
-¿Qué ye, ho?
-¡Nun tien ni un rasgo masculino!
-Ah no, ¿y entós qué representa?
-¡A los humanos, Lolín!
-No hay peor ciegu que el que nun quier ver.
-Despilfarrar les perres con la crisis que hay...
-Yo toy con Bibiana, hay que cambiar...
-¿Qué será lo próximo, los pasos de peatones de color rosa?
-¿Pero qué te molesta esa muyer? Con lo bien que parpadea...
-¿Y cómo sabes que no ye un romano o un escocés?
-Qué retorcíu yes. ¿Vas hablame a mí de sexo?
-¡Caracoles!, ¿oíste?
-¿Qué ho?
-Que pongan caracoles, que son hermafroditas.
-Eso, pa que crucéis na más los que tenéis cuernos.
-¿Quies llevar una hostia?
-¡Uf! Ahora... vienme fatal, ¡abrió la paisana!
-¿Y qué?
-Tengo que cruzar.
