-... Tocientos... tenta y sieteeeee...

-¿Qué quies eso?

-... Ta mil eurooos...

-La radio, ¿qué la quies?

-... Nientos inceeeeee...

-¿Apágola?

-... Ta mil euroooos...

-Calla a ver, calla a ver...

-... Vecientos... venta y treeesss..

-Total, no compramos ni un décimu...

-... Tocientos... ochooooo...

-Ya, ya, como me toque van date mucho pol...

-... Ta mil euroooos...

-¿Qué dices, ho?

-... Chocientos... tidóoosss...

-Na, que haya salud.

-... Ta mil eurooos...

-¿Salud? Sí, sí, Como me toque a mí déjote aquí tiráu, asquerosu.

-... Ientoveinticincooooo...

-¿Qué reburdies?

-... Ta mil euroooooss...

-Na, que... el casu ye que tea repartío. Cínica, ¡qué zorra yes!

-... Nientos tenta y...

-¿Qué dices, ho?

-¡En tres, que esti añu el gordo acaba en tres!

-... Ta mil eurooos...

-El gordo tocóme a mí contigo, qué ganes tengo de perdete de vista...

-¿Qué, ho?

-La lista, que mañana hay que comprar la lista.

-... Oscientos tayseiiisss...

-¿Pa qué? Si no compramos ni un décimu... ¡Zamarro!

-... Ta mil eurooos...

-¿Qué dices, ho? O escucho la radio o escúchote a ti.

-... Tecientos... incoooo...

-¡Zarrapastrón, si no fuera por lo que ye...!

-... Ta mil eurooos...

-Nunca me tocó un perru.

-Vecientos... eiiiiis...

-El perru tocóme a mí, cuarenta años oyéndote ladrar...

-... Ta mil eurooos...

-Como me toque, garro la maleta y vuelvo pa Novellana.

-... Tecientos taydos...

-¿Apagamos, ho?

-... Ta mil eurooos...

-Calla, a ver; calla, a ver...

-... Ilciento... tayunoooo...

-Cuarenta años esperando... ¡Ay, bombo! ¿No me tocará algo?

-¿Hácesme un Cola-Cao?

-¿Qué dices, ho?

-¡Lo jugao!

-¿Eh?

-Que... Contigo, de por vida, tocóme... lo jugao.