-¡Ahí vien Jose!
-Mira qué cara trai.
-¡Ta desencajau!
-Ya, ni que saliera del Pleno del Ayuntamiento de Oviedo...
-Chica... Probe.
-¿Por...?
-Separose.
-¿Separose Jose?
-Sí, fía, ¡separose!
-¡Ay, madre, dejesme tonta!
-Míralu, anda dejaón, desorientau...
-Y con el Meyba sin planchar.
-¿Qué quies, fía? Una ruptura sentimental...
-Probe. ¿Y ella?
-Marchó pa Valencia de Don Juan.
-¿A qué ho?
-A encontrase...
-¿Con otru?
-No, a sí misma.
-¿Cómo ye ho?
-Diz que no se topaba, fía.
-Ye que Mariflor siempre fue más del interior.
-Ya, chica, pero veíaselos tan compenetraos hinchando el flotador...

-¿Quién iba a pensar que no llegaben a los baños de septiembre?
-¿Y los guajes?
-Tan de campamento.
-Dichosinos... ¡Tú fíjate qué cuadru!
-Probe Jose...
-No sabe si hacese un tatoo o pedir el trasladu.
-Probe...
-Diz que lu pillaron morreándose con un tupperware.
-Normal, boba, tendrá trastornos de ansiedad.
-Sí, tan pronto parez un alma en pena...
-Claro.
-Como anda más saliu que un perru caza.
-Ya me fijé, ¿oíste?
-Ah.
-El otru día púsose a jugar conmigo al frisbee.
-No me digas ¿Y qué?
-Ay, fía, no sé, noté una tensión sexual...
-Cojona.
-...Que no ye ni medio normal.
-¡Ay Vero, ya pués tener cuidao!
-¿Por...?
-Va empezar a decite coses sucies, ya verás.
-¿A mí?
-Sí, fía, igual que a Eloína.
-¿Qué y-dijo?
-Lamíate entera, Elo, pera tas llena de Coppertone.
-¡La madre que lu parió!
-Tú fíjate, ¡qué llambión!
-Ay, calla, que vien p’acá.
-Como se ponga mimosón...
-¡A llorar, a les duches! ¿oíste?
-Probe... Pidio-y los prismáticos al socorrista.
-¿Pa qué ho?
-Pa ver si veía terceres persones.
-Tien que tar destrozau, fía.
-Ten cuidao, Vero. Que tú tas pa la mano...
-¿Yo?
-Sí, fía, que vas a chi-kung y tás muy abierta.
-Probe Jose...
-Ay, como dejes que te de pena...
-¿Qué?
-Acaba restregándote la cebolleta.
-¡Jesús, qué burra yes!
-Verás como te diz que ye un hombre nuevu.
-¿Y qué?
-Que lu ayudes, ¡que quier cambios!
-Ay, no, fía. ¡Yo como Paris Hilton!
-¿Qué ho?
-No prometo cambios, simplemente toy buena.
-¿No decíes que Jose te daba morbo?
-Sí, fía, pero antes.
-¿Antes?
-Sí, cuando taba con Mariflor. Tenía su emoción...
-¿Y ahora?
-Calla, calla, ¡ahí vien!
-¿Ya no te da morbo?
-Separose, fía. ¡no me da más por él!